یورپین یونین ایرمسیفٹی ایجنسی نےپی آئی اے کی یورپین ممالک کےلئےفضائی آپریشن کے اجازت نامے کو 6 ماہ کےلئے معطل کردیا۔معطلی کا اطلاق یکم جولائی 2020 رات 12 بجے یو ٹی سی ٹائم کے مطابق ہوگا۔

ذرائع کے مطابق وزیر ہوا بازی کی جانب سے پائلٹس کے جعلی لائسنسز کے حوالے سے بیان دینے کے بعد یہ بیان عالمی دنیا کے میڈیا پرخبروں کی زینت بنا جس کے بعد یورپین یونین ایرک سیفٹی ایجنسی نے پاکستان سول ایوی ایشن سے اپنے خدشات کا اظہار کرتے ہوئے قومی ائیر لائن پر یورپی ممالک فضائی آپریشن پر 6 ماہ کی پابندی لگا دی۔

ترجمان پی آئی اے کے مطابق پی آئی اے کی یورپ کی تمام پروازیں عارضی طور پر منسوخ کر دی گئیں جب کہ جن مسافروں کے پاس پی آئی اے کے بکنگ ہے ان کے پاس اختیار ہوگا کہ وہ چاہیں تو بکنگ آگے کروالیں یاریفنڈ حاصل کریں۔

ترجمان کا کہنا تھا پی آئی اے یورپین فضائی سیفٹی کے ادارے کے ساتھ مسلسل رابطے میں ہے اور ان کے خدشات کو دور کرنے کےلئے اقدامات اٹھا رہا ہےامید کرتے ہیں کہ حکومتی اور انتظامیہ کی جانب سے لئے گئے اقدامات کے باعث معطلی جلد ختم ہوگی۔