بھارتی فوج کی نکیال سیکٹر پر بلااشتعال فائرنگ سے 5 شہری زخمی
راولپنڈی :قابض بھارتی افواج کی جانب سے لائن آف کنٹرول (ایل او سی)پر بلا اشتعال فائرنگ کا سلسلہ تھم نہ سکا ، نکیال سیکٹر پر بھارتی افواج کی فائرنگ سے 5 شہری شدید زخمی ہو گئے ہیں ، پاک فوج نے جوابی کارروائی میں بھارتی مورچوں کو تباہ کردیا۔
پاک فوج کے شعبہ تعلقات عامہ (آئی ایس پی آر)کے مطابق،بھارت کی لائن آف کنٹرول پر سیز فائر معاہدے کی خلاف ورزیاں جاری ہیں،قابض بھارتی افواج کی جانب سے ایل او سی پر بلا اشتعال فائرنگ کا سلسلہ جاری ہے ۔
ڈی جی آئی ایس پی آر کے مطابق بھارتی افواج کی جانب سے گزشتہ رات نکیال سیکٹر پر فائرنگ کی گئی، جس کے نتیجے میں 2بچوں، 2بزرگ خواتین سمیت 5 شہری شدید زخمی ہوئے ۔
5 Civilians including 2 innocent boys and 2 elderly women got injured, due to Indian Army troops unprovoked ceasefire violation in Nikial Sector along #LOC, targeting civil population late last night. Pakistan Army troops responded effectively to Indian firing.
— DG ISPR (@OfficialDGISPR) July 6, 2020
آئی ایس پی آر کے مطابق بھارتی قابض افواج نے جان بوجھ کر شہری آبادی کو نشانہ بنایا۔
آئی ایس پی آر کے مطابق پاک فوج کی جانب سے بھرپور جوابی کارروائی کی گئی اور بھارتی مورچوں کو تباہ کر دیا گیا ۔
Comments are closed on this story.