مقبوضہ کشمیر میں بد ترین لاک ڈاؤن اور انسانی حقوق کی سنگین خلاف ورزیوں پر پر اقوام متحدہ نے بھارتی حکومت سے ایک اور رابطہ کرلیا۔

اقوام متحدہ نے مقبوضہ وادی میں بھارت کی جانب سے جاری ظلم پر تشویش کا اظہار کردیا۔

اقوام متحدہ نے بھارتی حکومت سے کہا کہ کشمیریوں پر مظالم کی جلد غیرجانبدارانہ تحقیقات کرائی جائیں۔

اقوام متحدہ کے مطابق مقبوضہ کشمیر میں پانچ اگست کے بعد کشمیریوں کے ماورائے عدالت قتل، تشدد، بدسلوکیوں اور جبری گمشدگیوں میں اضافہ ہوا ہے۔

اقوام متحدہ نے زور دیا کہ بھارتی حکومت ان غیر قانونی کارروائیوں میں ملوث ذمہ داروں کے خلاف مقدمات چلائے تاکہ انہیں کیفر کردار تک پہنچائے۔