کراچی میں غیر اعلانیہ لوڈ شیڈنگ کے معاملے کا جائزہ لینے کیلئے نیپرا کی حقائق اکھٹا کرنے والی ٹیم نے کراچی پہنچ کر کام کرنا شروع کردیا ۔

یہ ٹیم نیپرا اتھارٹی کو ایک ہفتے میں جامع رپورٹ پیش کرے گی ۔ نیشنل الیکٹرک پاور ریگولیٹری اتھارٹی حکام نے کراچی میں غیراعلانیہ لوڈ شیڈنگ کے معاملے کا جائزہ لینے کیلیے قائم چار رکنی تحقیقاتی ٹیم نے کام شروع کر دیا ۔

نیپرا کی ٹیم کل کراچی پہنچی اورآج صبح سے کام شروع کردیا۔ نیپرا نے جمعہ کو عوامی سماعت میں متعدد شکایات کے بعد کراچی میں اپنی خصوصی جائزہ ٹیم بھجوانے کا اعلان کیا تھا۔

کراچی میں اوور لوڈ شیڈنگ کے معاملے پرڈی جی مانیٹرنگ اینڈ انفورسمنٹ کی سربراہی میں چار رکنی کمیٹی قائم کی گئی تھی ۔

کمیٹی کے ممبران کوفوری طورپر کراچی جا کر انکوائری کرنے کا حکم دیا گیا تھا، ٹیم اتھارٹی کو ایک ہفتے میں جامع رپورٹ پیش کرے گی، نیپرا اتھارٹی اس رپورٹ کی روشنی میں مزید کارروائی کرے گی ۔