Aaj TV News

COVID-19 TOTAL DAILY
CASES 282,645 782
DEATHS 6,052 17
Sindh 122,759 Cases
Punjab 94,040 Cases
Balochistan 11,821 Cases
Islamabad 15,182 Cases
KP 34,432 Cases

ترجمان وزارت توانائی نے سندھ حکومت پر بڑا الزام لگا دیا۔

ترجمان وزارت توانائی کہتے ہیں سندھ حکومت بجلی چوروں کی پشت پناہی کررہی ہے،انکے خلاف ایف آئی آر تک درج نہیں کرنے دیتے۔

انہوں نے مزید کہا کہ بجلی کی بلاتعطل ترسیل کیلئے بجلی چوری ختم کرنے کی شرط رکھ دی۔ ترجمان وزارت توانائی کے مطابق سندھ حکومت مقدمہ درج کرنے بھی نہیں دیتی۔

سندھ حکومت نے مشترکہ ملکی مفادات کو سیاست کی نذر کیا۔ صوبائی حکومت نے بااثرافراد کے خلاف بجلی چوری کی کارروائیوں پر پشت پناہی کی۔

ترجمان وزارت توانائی نے سندھ کے وزیرتوانائی کے بیان پرردعمل دیتے ہوئے کہا بجلی مفت بنتی ہے اور نہ ہی مفت تقسیم کی جا سکتی ہے،سندھ حکومت نے وفاق کی بجلی تقسیم کار کمپنیوں کو کبھی تعاون فراہم نہیں کیا۔

ترجمان کا کہنا تھا کہ بجلی چوری سے نقصانات کی بنیاد پر ہی لوڈمینجمنٹ کی جاتی ہے،سسٹم میں وافرمقدار میں بجلی موجود ہے،بجلی چوری ختم کریں اور بلا تعطل بجلی حاصل کریں۔

ترجمان وزارت توانائی نے کہا ایک طرف بجلی چوری کو فروغ دینے اوردوسری طرف اسی کے نتیجے میں ہونے والی لوڈمینجمنٹ کے خلاف سیاسی بیان بازی سے عوام کو دھوکا نہیں دیا جاسکتا۔