Aaj TV News

COVID-19 TOTAL DAILY
CASES 288,047 747
DEATHS 6,162 9

قومی کرکٹ ٹیم کے سابق کپتان اور اسٹار آل راؤنڈر بوم بوم شاہد آفریدی نے سوشل میڈیا پر اپنی بیٹی اور بابر اعظم کی شادی سے متعلق افواہوں کی سختی سے تردید کردی۔

تفصیلات کے مطابق گزشتہ کچھ دنوں سے یوٹیوب پر مختلف اکاؤنٹس سے ایسی جھوٹی خبریں پھیلائی جارہی ہیں کہ قومی ٹیم کے کپتان اور اسٹار بلے باز بابراعظم نے شاہد آفریدی کی بیٹی سے اپنی شادی کی بات کی جس پر آفریدی نے بابر اعظم کو کھری کھری سنا دیں۔

اس حوالے سے اب شاہد آفریدی نے خود ہی خاموشی توڑتے ہوئے ٹویٹ میں کہا ہے کہ 'مہربانی فرما کر اس طرح کی بکواس اور جھوٹی خبروں کو پھیلانے سے گریز کریں۔'

enter image description here

انہوں نے مزید لکھا کہ 'میری تمام صارفین سے گزارش ہے کہ سوشل میڈیا ذمہ داری کے ساتھ استعمال کریں، ایسی افواہیں اور جھوٹ پھیلانے سے گریز کریں جس سے متعلقہ لوگوں کو پریشانی ہو۔'