کراچی میں غیراعلانیہ اور طویل لوڈ شیڈنگ کے معاملے پر نیپرا نے کے الیکٹرک کا جواب مسترد کردیا ،نیپرا نے کے الیکٹرک پر20کروڑروپے جرمانہ عائد کردیا ۔

نیشنل الیکٹرک پاور ریگولیٹری اتھارٹی(نیپرا)نے کراچی میں طویل لوڈ شیڈنگ کے معاملے پر کے الیکٹرک کا جواب مسترد کرتے ہوئے کے الیکٹرک پر 20 کروڑ روپے کا جرمانہ عائد کر دیا ۔

ترجمان نیپرا کے مطابق کے الیکٹرک کو جون اور جولائی میں غیراعلانیہ لوڈشیڈنگ کی وجہ سے جرمانہ کیا گیا ہے۔

اعلامیے کے مطابق نیپرا کی تحقیقاتی کمیٹی کراچی میں لوڈشیڈنگ کی ذمہ دار کے الیکٹرک کو قرار دے چکی ہے، نیپرا ایکٹ کے تحت یہ زیادہ سے زیادہ جرمانہ ہے۔

کے الیکٹرک نے اپنے اوپر لگائے گئے الزامات ماننے سے انکار کیا تھا،جس پر نیپرا نے کے الیکٹرک کو گزشتہ مال شوکاز نوٹس جاری کیا تھا۔