سربراہ ایم کیوایم پاکستان خالد مقبول صدیقی نے کہا ہے کہ نئے صوبوں کا قیام ریاست کی تقسیم نہیں، اگرکوئی اسے غلط سمجھتا ہے وہ سب سے بڑا غدار ہے۔

سربراہ ایم کیوایم پاکستان خالد مقبول صدیقی نے میڈیا سے گفتگو کرتے ہوئے کہا۔ کراچی کا ایڈمنسٹریٹر کراچی سے ہونا چاہیے، کیا وجہ ہے کہ ایک مخصوص زبان سے تعلق رکھنے والے کو ایڈمنسٹریٹر لگا دیا۔

خالد مقبول کا کہنا تھا کہ وفاق نے ایسے ایڈمنسٹریٹرکو قبول کیا وہ بھی جواب دہ ہے۔ان کا کہنا تھا کہ لوگ مایوسی کا شکار ہیں کب تک تماشا دیکھیں گے۔

خالد مقبول کا کہنا تھا کہ پیپلزپارٹی کےوفاقی دور میں کےفور منصوبہ مکمل نہیں ہونےدیاگیا۔

متحدہ رہنما فیصل سبزواری نےتنقید کرتے ہوئے کہا سندھ کی سوا تین لاکھ نوکریوں میں سے ایک نوکری بھی شہری علاقوں کو نہیں دی گئی، جعلی اکثریت کی بنیاد پر پبلک سروسزکمیشن میں بندربانٹ کی گئی۔