اسلام آباد:وفاقی وزیر برائے سائنس وٹیکنالوجی فواد چوہدری کا کہنا ہے کہ کورونا وباء خوفناک تھی،اللہ کا شکر ہے آج بچے درسگاہوں میں واپس پہنچے۔

سماجی رابطے کی ویب سائٹ ٹوئٹر پر اپنے پیغام میں وفاقی وزیر سائنس وٹیکنالوجی فواد چوہدری نےطلبہ کو مشورہ دیتے ہوئے کہاکہ ا‏سکول کا پہلا دن آنے میں مہینے لگ گئے،بہت وقت ضائع ہوا اب دل لگا کر پڑھنا ہے۔

فواد چوہدری نے مزید کہا کہ وباء ہی ایسی خوفناک تھی،اللہ کا شکر ہے کہ آج ہمارے بچے درسگاہوں میں واپس پہنچے، تعلیم کے وزراء اور ارباب اختیار کا شکریہ کہ احتیاط اور تدابیرکو ملحوظ خاطر رکھتے ہوئے تمام فیصلے کئے گئے۔

سکول کا پہلا دن آنے میں مہینں لگ گئے۔ وباء ہی ایسی خوفناک تھی ، اللہ کا شکر ہے کہ آج ہمارے بچے درسگاہوں میں واپس پہنچے ، تعلیم کے وزراء اور ارباب اختیار کا شکریہ کہ احتیاط اور تمام تدابیر کو ملحوظ رکھتے ہوئے تمام فیصلے کئے گئے، خدا سب کے بچوں کو لمبی عمر اور قسمت دے! آمین

— Ch Fawad Hussain (@fawadchaudhry) September 15, 2020

وفاقی وزیرفواد چوہدری نے اپنے ٹویٹ میں یہ بھی لکھا کہ خدا سب کے بچوں کو لمبی عمر اور قسمت دے! آمین۔

معاون خصوصی صحت کی احتیاطی تدابیرکو اپنانے کی اپیل

دوسری جانب وزیراعظم کے معاون خصوصی صحت فیصل سلطان نے احتیاطی تدابیرکو مدنظررکھنے پرزوردیا۔

Let us welcome our children and students on the first day of opening of educational institutions. Please don't forget basic protective steps. Masks, reduced density in classes, hand hygiene. Parents, school administrators, teachers, students - all together.

— Faisal Sultan (@fslsltn) September 15, 2020

فیصل سلطان نے کہا کہ اسکول انتظامیہ، والدین اور بچوں کو مل کر ان تدابیر پر عمل کرنا ہے۔

پارلیمانی سیکرٹری وجہیہ اکرم نےایف سیون ٹو میں سکول کا دورہ کیا اورکہا کچھ شکایات ہیں جنہیں جلد حل کرلیں گے۔