وزیراعظم نے پاکستان کا نکتہ نظر جرات مندانہ اندازاسے پیش کیا
دفتر خارجہ کے ترجمان زاہد حفیظ چوہدری نے کہا ہے کہ وزیراعظم عمران خان نے اقوام متحدہ کی جنرل اسمبلی میں عالمی اورعلاقائی امور پر پاکستان کاموقف جرات مندانہ انداز میں' حکمت اور دانش مندی سے پیش کیا ہے۔
انہوں نے اقوام متحدہ کی جنرل اسمبلی کے 75ویں اجلاس سے وزیراعظم کے خطاب سے متعلق ایک بیان میں کہا کہ وزیراعظم نے اپنی تقریر میں حکومت کے ریاست مدینہ کی طرز پر نئے پاکستان کے قیام کے وژن کو اُجاگر کیا۔
انہوں نے کہا کہ وزیراعظم نے بھارتی جارحیت اور ریاستی دہشتگردی کی جانب توجہ دلاتے ہوئے اور کشمیریوں کے حقوق کے وعدے پورے کرنے اور استصواب رائے پر زور دیتے ہوئے بڑے جامع انداز میں تنازعہ کشمیر پیش کیا۔
انہوں نے کہا کہ عمران خان نےتنازعہ کشمیر،افغان امن عمل،اسلام امخالف نفرت انگیز واقعات،کوروناوائرس اور غیر قانونی طورپررقوم کی منتقلی کےمعاملات اور انکے حل کے طریقے بڑی تفصیل سے پیش کئے۔
زاہد حفیظ چوہدری نے کہا کہ وزیراعظم نے موسمیاتی تبدیلی، سلامتی کونسل میں اصلاحات اور عالمی امن وسلامتی کے حوالے سے پاکستان کا نقطہ نظر پیش کیا۔
انہوں نے کہا کہ عمران خان نے دیرینہ تنازعہ کشمیر کے اقوام متحدہ کی سلامتی کونسل کی قراردادوں کے مطابق حل کےلئے عالمی برادری پر زور دیا۔
Comments are closed on this story.