Aaj TV News

BR100 4,730 Decreased By ▼ -34 (-0.7%)
BR30 20,317 Decreased By ▼ -354 (-1.71%)
KSE100 45,578 Decreased By ▼ -243 (-0.53%)
KSE30 17,872 Decreased By ▼ -134 (-0.75%)
COVID-19 TOTAL DAILY
CASES 1,267,393 567
DEATHS 28,344 16
Sindh 466,945 Cases
Punjab 438,636 Cases
Balochistan 33,159 Cases
Islamabad 106,615 Cases
KP 177,240 Cases

راولپنڈی: نیشنل ٹی ٹوئنٹی کپ کے دوسرے سیمی فائنل میں خیبرپختونخوا نے یکطرفہ مقابلے کے بعد سندھ کو 8 وکٹوں سے شکست دے کر ٹورنامنٹ کے فائنل میں جگہ بنالی۔

پنڈی کرکٹ اسٹیڈیم میں کھیلے جانے والے میچ میں خیبر پختونخوا نے 143 رنز کا ہدف 15 ویں اورر میں 2 وکٹوں کے نقصان پر حاصل کرلیا۔ کپتان محمد رضوان نے 67 رنز کی شاندار اننگز کھیلی، فخر زمان بھی 57 رنز بناکر نمایاں رہے۔

سندھ کے دانش عزیز نے دو وکٹیں حاصل کیں، اس کے علاوہ کوئی بھی گیند باز خاطر خواہ کارکردگی نہ دکھا سکا۔

اس سے قبل کے پی کی دعوت پر پہلے بیٹنگ کرتے ہوئے سندھ کی پوری ٹیم 19 اعشاریہ 5 اوورز میں 142 رنز بناکر ڈھیر ہوگئی تھی۔ خرم منظور کے 74 اور دانش عزیز کے 39 رنز کے علاوہ کوئی کھلاڑی ڈبل فیگر میں بھی داخل نہ ہوسکا تھا۔

خیبرپختونخوا کے عمران خان اور عثمان شنواری نے دو دو جبکہ آصف آفریدی، شاہین شاہ آفریدی اور وہاب ریاض نے ایک ایک وکٹ حاصل کی تھی۔

سدرن پنجاب اور خیبرپختونخوا کی ٹیمیں اتوار کی شام کو حتمی معرکے میں مدمقابل آئیں گی۔