سُروں کے سلطان استاد راحت فتح علی خان نے بڑا کارنامہ انجام دے دیا، اُن کے یوٹیوب پر 50 لاکھ سے زائد سبسکرائبرز ہوگئے۔

تفصیلات کے مطابق راحت فتح علی خان یوٹیوب پر 50 لاکھ فالوورز حاصل کرنے والے پہلے پاکستانی فنکار بن گئے۔

واضح رہے کہ راحت فتح علی خان اپنی کمال گائیکی کی وجہ سے دنیا بھر میں ایک الگ پہچان رکھتے ہیں۔ اُن کے گانے نہ صرف پاکستان بلکہ بھارت سمیت دنیا بھر میں مقبول ہیں۔ آکسفورڈ یونیورسٹی کی جانب سے راحت فتح علی خان کو موسیقی میں ڈاکٹریٹ کی ڈگری سے بھی نوازا جاچکا ہے۔