لیورپول اور مصر کے اسٹار فٹبالر محمد صلاح بھی کورونا وائرس کا شکار ہوگئے۔ ٹیسٹ مثبت آنے پر صلاح کو ٹیم سے الگ کرکے قرنطینہ کردیا گیا۔

تفصیلات کے مطابق عالمی شہرت یافتہ فٹبالر محمد صلاح بھی کورونا وائرس کا شکار ہوگئے ہیں۔ مصر کی فٹبال انتظامیہ کے مطابق صلاح کی طبیعت بہتر ہے۔

واضح رہے کہ محمد صلاح نے 3 روز قبل اپنے بھائی ناصر صلاح کی شادی میں شرکت کی تھی اور تقریب میں رقص بھی کیا تھا تاہم اب وہ عالمی وباء کا شکار ہونے کے باعث ہفتے کو ٹوگو کے خلاف ہونے والے افریقہ کپ آف نیشنز کا میچ نہیں کھیلیں گے۔