سوشل میڈیا پر چاچا کرکٹ کے انتقال کی جھوٹی خبر وائرل
سوشل میڈیا پر فیک نیوز کی بھرمار، اس بار عبدالجلیل عرف چاچا کرکٹ کی انتقال کی خبر وائرل ہوگئی۔
تفصیلات کے مطابق آج سوشل میڈیا پر یہ جھوٹی خبر گردش کررہی ہے کہ چچا کرکٹ انتقال کرگئے ہیں تاہم انہوں نے اب خود میدان میں آتے ہوئے ویڈیو پیغام میں کہا ہے کہ میں صحت مند اور سلامت ہوں۔
انہوں نے مزید کہا کہ ایسی خبریں پھیلانے والوں کو اللہ ہدایت دے۔
آج شام سے چاچا کرکٹ کے انتقال کی جھوٹی خبر سوشل میڈیا پر وائرل ہورہی ہے کیونکہ صارفین جھوٹ سچ جانے بناء ہر خبر پر یقین کرکے اُسے آگے شیئر کردیتے ہیں۔ ذیل میں اس جھوٹی خبر پر مبنی کچھ ٹویٹس ملاحظہ کریں۔
واضح رہے کہ آج پی سی بی کے سابق ہیڈ گراونڈ مین حاجی بشیر حرکت قلب بند ہونے سے انتقال کرگئے تھے تاہم سوشل میڈیا صارفین نے چاچا کرکٹ کے انتقال کی جھوٹی خبر سوشل میڈیا پر وائرل کردی تھی۔
پی سی بی کے مطابق آج انتقال کرنے والے حاجی بشیر نے 50 سال سے زائد عرصہ پاکستان کرکٹ بورڈ میں خدمات انجام دیں، ملک میں زیادہ تر ٹیسٹ سینٹرز کی پچز حاجی بشیر نے ہی بنائیں۔
پی سی بی سے ریٹائرمنٹ کے بعد حاجی بشیر لاہور قلندرز کے ہائی پرفارمنس سینٹر میں خدمات انجام دے رہے تھے۔ ماجد خان، حنیف محمد ، عمران خان، جاوید میانداد، انضمام الحق، ویوین رچرڈز سمیت دنیا کے ٹاپ اسٹارز حاجی بشیر کی بنائی وکٹوں پر کرکٹ کھیلے۔
Comments are closed on this story.