حیدرآباد کی ضلعی انتظامیہ نے کورونا کے بڑھتے ہوئے کیسز کے باعث شہر کے سترہ علاقوں میں آج سے 5 دسمبر تک اسمارٹ لاک ڈاؤن نافذ کردیا لیکن شہری اب بھی کورونا کی وبا کو مذاق سمجھ رہے ہیں۔

حیدرآباد میں بھی کورونا بے قابو ہونے لگا دوسیری لہر میں متاثرہ افراد کی تعداد چودہ سو سے زائد ہوگئی۔

کورونا کیسز کی بڑھتی ہوئی شرح کے باعث ڈپٹی کمشنر نے شہر کے سترہ علاقوں میں اسمارٹ لاک ڈاؤن کے نفاذ کا نوٹیفکیشن جاری کردیا ان علاقوں میں مبارک کالونی، بلدیہ کالونی صحافی کالونی، گلستان فاطمہ لطیف آباد نمبر چھ ، دامن کوہسار ایئر پورٹ روڈ وادھوواہ روڈ،نسیم نگر چوک، سٹیزن کالونی اور دیگر علاقے شامل ہیں۔

شہر میں کورونا تو بڑھ رہا ہے لیکن لوگ اب بھی اس وبا کو مذاق سمچھ رہے ہیں ماسک کے استعمال اور سماجی فاصلے کا اکثر کو خیال نہیں ہے۔

عوام کی کورونا کے لیے غیر سنجیدگی کی دلیلیں اپنی جگہ انتظامیہ کی جانب سے بھی ایس او پیز پر عملدرآمد کے اقدامات وقت کی اہم ضرورت ہے۔

حیدرآباد کی ضلعی انتظامیہ نے شہر کے سترہ علاقعں میں لاک ڈاؤن تو نافذ کردیا ہے تاہم ایس او پیز پر عملدرآمد کرنے کے احکامات کو شہریوں نے ہوا میں اڑا کر رکھ دیا ہے۔