وفاقی وزیرداخلہ شیخ رشید احمد نے ملک میں دہشتگردی کے خاتمے اور امن وامان برقرار رکھنے میں فرنٹیئر کور کانسٹیبلری کے کردار کو سراہا ہے۔

جمعرات کو پشاور میں فرنٹیئر کانسٹیبلری کے اہلکاروں سے خطاب کرتے ہوئے ان کا کہنا تھا کہ قوم ملک میں امن کےلئے سیکیورٹی اہلکاروں کی قربانیوں کو ہمیشہ یاد رکھے گی۔

شیخ رشید احمد نے کہا کہ فرنٹیئر کانسٹیبلری کےلئے شہداء پیکج میں اضافے کا جلد اعلان کیا جائیگا۔

انہوں نے فرنٹیئر کانسٹیبلری کے اہلکاروں کے مسائل ترجیحی بنیادوں پر حل کرنے کا یقین دلایا۔

اس سے پہلے فرنٹیئر کانسٹیبلری کے کمانڈنٹ معظم جاہ انصاری نے وزیر داخلہ کو فورس کی پیشہ ورانہ تیاری کے بارے میں بتایا۔

ریڈیو پاکستان