کراچی: 24 قیراط سونے کی قیمت میں 300 روپے کا مزید اضافہ ہوا ہے، جس سے فی تولہ سونا ایک لاکھ 14 ہزار 300 روپے کی سطح پر پہنچ گیا ہے۔

فی تولہ سونے کی قیمت میں 300 روپے جبکہ 10 گرام سونے کی قیمت میں 257 روپے کا اضافہ ہوا ہے۔

ایک تولہ سونا ایک لاکھ 14 ہزار 300 اور 10 گرام سونا 97 ہزار 994 روپے کا ہوگیا ہے۔

عالمی منڈی میں سونا 5 ڈالرز کے مزید اضافے سے 1899 ڈالرز فی اونس کی سطح پر پہنچ گیا ہے۔

آل سندھ صراف جیولرز ایسوسی ایشن کے مطابق سونے کی قیمت آج دبئی کے مقابلے 3 ہزار روپے کم ہے۔

اس کے علاوہ فی تولہ اور 10 گرام چاندی کی قیمت بالترتیب 1320 اور 1132 روپے کی سطح پر مستحکم رہی ہے۔