Aaj TV News

BR100 4,936 Decreased By ▼ -23 (-0.46%)
BR30 25,403 Decreased By ▼ -331 (-1.28%)
KSE100 45,865 Decreased By ▼ -101 (-0.22%)
KSE30 19,173 Decreased By ▼ -26 (-0.14%)

اپوزیشن لیڈر قومی اسمبلی شہباز شریف کی اہلیہ نصرت شہباز نے احتساب عدالت سے وارنٹ گرفتاری جاری ہونے اور حاضری معافی کی درخواست مسترد ہونے پر لاہور ہائکورٹ سے رجوع کر لیا۔

نصرت شہباز کی جانب سے دائر درخواست میں احتساب عدالت کے جج، ڈی جی نیب اور تفتیشی افسر سمیت دیگر کو فریق بنایا گیا ہے ۔

درخواست گزار نے موقف اختیار کیا ہے کہ نیب نے شہباز شریف فیملی کیخلاف احتساب عدالت میں ریفرنس دائر کر رکھا ہے۔ درخواستگزار نے حاضری سے معافی اور وارنٹ گرفتاری جاری نہ کرنے کیلئے احتساب عدالت میں درخواست دائر کی، لیکن عدالت نے دونوں درخواستیں مسترد کر دیں۔

درخواست گزار انویسٹی گیشن کی منظوری اور ریفرنس کے دائر ہونے سے پہلے سے بیرون ملک ہے۔ درخواستگزار عمر رسیدہ ہیں اور دل کی مختلف بیماریوں، جوڑوں کے درد میں مبتلا ہونے کے باعث چلنے سے قاصر ہیں۔ ان کا بیرون ملک علاج معالجہ جاری ہے جس کے باعث وہ پاکستان نہیں آ سکتیں،

بعدازاں عدالت عالیہ نے احتساب عدالت کا حاضری معافی اور وارنٹ گرفتاری نہ جاری کرنے کی درخواستیں مسترد کرنے کا فیصلہ کالعدم قرار دے۔