Aaj TV News

BR100 4,936 Decreased By ▼ -23 (-0.46%)
BR30 25,403 Decreased By ▼ -331 (-1.28%)
KSE100 45,865 Decreased By ▼ -101 (-0.22%)
KSE30 19,173 Decreased By ▼ -26 (-0.14%)

لیگی رہنما خرم دستگیر نے کہا ہے کہ موجودہ حکومت ایم کیوایم اورق لیگ پرکھڑی ہے۔ یہ بات انہوں نے آج نیوز کے پروگرام فیصلہ آپ کا میں بات چیت کرتے ہوئے کہی۔

خرم دستگیر کا کہنا تھا کہ حتمی فیصلہ پی ڈی ایم کےسربراہی اجلاس میں ہوگا، پیپلزپارٹی اپنےاورہم اپنےدلائل دیں گے، موجودہ حکومت ایم کیوایم اورق لیگ پرکھڑی ہے۔

خرم دستگیر کا کہنا تھا کہ بیساکھیاں ہٹ جائیں تو حکومت گرجائےگی، ق لیگ کےحکومت سےبہت سےتحفظات ہیں۔

انہوں نے مزید کہا کہ چیئرمین سینیٹ کےخلاف تحریک میں تلخ تجربہ ہوا، پی ڈی ایم کاحدف صاف اور شفاف انتخابات ہیں، ماورائےآئین مداخلت روکناپی ڈی ایم کاحدف ہے۔

انہوں نے مزید کہا کہ ادویات،چینی،آٹا،گھی،بجلی،گیس مہنگی ہوگئی ہے، موجودہ حالات میں عوام تنگ آچکے ہیں۔

اس موقعے پر پی پی رہنما چوہدری منظور نے کہا کہ موجودہ حکومت مکڑی کےجالوں سےبناگھونسلہ ہے، کل پرویزالہی نےکہاحکومت نام کی کوئی چیزنہیں۔

چوہدری منظور کا کہنا تھا کہ ایم کیوایم نےاپنےسیاست کوبچاناہےیاحکومت کو؟فیصلہ کرناہے، مردم شماری کچھ اور نادرا کا ریکارڈ کچھ کہہ رہاہے۔

چوہدری منظور کا کہنا تھا کہ درست مردم شماری نہیں ہوگی تومسائل کیسےحل ہونگے؟

چوہدری منظور نے مزید کہا کہ پی ٹی آئی کےایم این ایزبھی مہنگائی سےتنگ ہیں، ایم این ایزاپنےحلقوں میں جا بھی نہیں سکتے، فروری فیصلہ کن ہوگا۔