Aaj TV News

BR100 4,936 Decreased By ▼ -23 (-0.46%)
BR30 25,403 Decreased By ▼ -331 (-1.28%)
KSE100 45,865 Decreased By ▼ -101 (-0.22%)
KSE30 19,173 Decreased By ▼ -26 (-0.14%)

اسلام آباد: حکومت کی عوام پر پٹرولیم مصنوعات کا ایک اور اضافی بوجھ ڈالنے کی تیاری، پٹرول اور ڈیزل پر او ایم سی اور ڈیلر مارجن بڑھانے کی سمری تیار کرلی گئی۔

حکومت کی عوام پر پٹرولیم مصنوعات کا ایک اور اضافی بوجھ ڈالنے کی تیاری، پٹرول اور ڈیزل پر او ایم سی اور ڈیلر مارجن بڑھانے کی سمری تیارکرلی۔

ذرائع کے مطابق پٹرول پر او ایم سی مارجن میں 45 پیسے فی لٹر اضافے کی تجویز زیر غور ہے۔ پٹرول پر ڈیلرز مارجن میں 58 پیسے اضافے کی تجویز ہے۔ ہائی اسپیڈ ڈیزل پر او ایم سی مارجن میں 45 پیسے، ڈیزل پر ڈیلرز مارجن میں 50 پیسے بڑھانے کی تجویز دی گئی ہے۔

پٹرول پر او ایم سی مارجن 2 روپے 81 پیسے سے 3 روپے 26 پیسے، پٹرول پر ڈیلرز مارجن 3 روپے 70 پیسے سے 4 روپے 28 پیسے، ڈیزل پر او ایم سی مارجن 2 روپے 81 پیسے سے 3 روپے 26 پیسے، ہائی اسپیڈ ڈیزل پر ڈیلرز مارجن 3 روپے 12 پیسے سے 3 روپے 62 پیسے کرنے کی تجویز دی گئی ہے۔