Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,367,605 7,586
DEATHS 29,097 20
Sindh 523,774 Cases
Punjab 462,323 Cases
Balochistan 33,910 Cases
Islamabad 117,436 Cases
KP 184,455 Cases

وزیر اعلی پنجاب عثمان بزدار نے عوامی انداز، جہلم میں دشوارگزار راستوں پر کئی کلومیٹر پیدل سفر کیا۔ چشمے سے منہ ہاتھ دھویا اور پانی بھی پیا۔

وزیراعلیٰ کا کہنا تھا کہ جہلم کے سیاحتی مقامات کی ترقی کیلئے اقدامات کئے جائیں گے۔ اسلام آباد میں سپیکر قومی اسمبلی اسد قیصر سے بھی وزیراعلیٰ پنجاب نے ملاقات کی۔

سردار عثمان بزدارنے جہلم کی تحصیل پنڈ دادنخان کے نواحی علاقے نندنہ کا تفصیلی دورہ کیا۔

عثمان بزدارنے نندنہ کے دور دراز علاقوں پیدل سفر کیا اور وہاں سیاحت کے فروغ کیلئے اقدامات پر پیشرفت کا جائزہ لیا۔

وزیراعلیٰ نے ایک مقام پر چشمے کے بہتے پانی سے منہ دھویا اور حکام کے منع کرنے کے باوجود چشمے کا پانی پیا۔

وزیراعلیٰ کا کہنا تھا کہ زندگی بھر پہاڑی چشموں کا پانی پینے میں جھجک محسوس نہیں کی۔ انہوں نے نندنہ کے تاریخی علاقے، باغاں والا گاؤں کو ماڈرن ویلج بنانے اور علاقے میں روڈ انفراسٹرکچر کو بہتر بنانے کا اعلان کیا۔

اسلام آباد میں عثمان بزدار نے گورنر پنجاب چوہدری سرور کے ہمراہ اسپیکر قومی اسمبلی اسد قیصر سے ملاقات کی۔ ملاقات میں ملک کی مجموعی سیاسی صورتحال پر تبادلہ خیال کرتے ہوئے اسد قیصر نے کہا کہ پنجاب میں سینٹ کے امیدواروں کا بلا مقابلہ انتخاب خوش آئند ہے۔