خانیوال میں بھی حکومتی ایس او پیز پر عمل درآمد نہ کرنے کے باعث کورونا کے مریضوں میں اضافہ ہوتا جا رہا ہے ،میاں چنوں کے اسکول میں ٹیچراورطالبہ کا کورونا ٹیسٹ مثبت آگیا۔

خانیوال اور میاں چنوں کے گورنمنٹ ماڈل ہائی اسکول میں اسکول ٹیچراور7ویں کلاس کی طالبہ امامہ میں کوروناوائرس کی تصدیق ہوگئی،اسکول ہیڈ مسٹریس نے بتایا کہ متعلقہ کلاس کو چھٹی دے دی گئی ہے۔

ڈی ڈی ایچ او ڈاکٹرعثمان نے بتایا کہ مذکوزہ اسکول میں جس کلاس کی بچی میں کورونا ہوا ہے اس کلاس کی تمام بچیوں کے ٹیسٹ کرلئے گئے ہیں جن کی رپورٹ جلدآجائےگی جبکہ دیگرٹیچرزکےبھی ٹیٹل کئے گئے ہیں۔

اسسٹنٹ کمشنرذیشان ندیم نے بتایا کہ رپورٹس آنے پرمزیدلائحہ عمل بنایا جائے گا۔