وفاقی وزیر تعلیم شفقت محمود نے پریس کانفرنس کرتے ہوئے کہا کہ وزرائے تعلیم کانفرنس میں کورونا صورتحال کا جائزہ لیاگیا۔

شفقت محمود نے بتایا کہ پنجاب کے 9 اضلاع میں 11 اپریل تک تعلیمی ادارے بند رکھنے کا فیصلہ کیا گیا ہے۔ جبکہ اسلام آباد میں بھی 11 اپریل تک تعلیمی ادارے بند رہیں گے۔

شفقت محمود نے کہا کہ11 اپریل تک متاثرہ اضلاع میں تعلیمی ادارے بند رہیں گے، متاثرہ اضلاع کا فیصلہ صوبائی حکومتوں نے کرنا ہے۔

وفاقی وزیرتعلیم نے کہا کہ امتحانات سےمتعلق بھی تفصیلی گفتگو ہوئی ہے، نویں سےبارہویں تک کے امتحانات معمول کے مطابق ہوں گے۔ گزشتہ سال ان کلاسز کے بچوں کو بغیرامتحان پروموٹ کیا گیا تھا۔

وفاقی وزیرتعلیم کے مطابق کیمبرج کے امتحانات 26اپریل سے شروع ہونے جارہے ہیں، کیمبرج سےمتعلق ابھی کوئی فیصلہ نہیں ہوا ہے۔