Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,360,019 6,540
DEATHS 29,077 12
Sindh 520,415 Cases
Punjab 460,335 Cases
Balochistan 33,855 Cases
Islamabad 115,939 Cases
KP 183,865 Cases

وزیراعلیٰ پنجاب عثمان بزدار نے چنیوٹ اور سرگودھا کا دورہ کیا اور اربوں روپے کے منصوبوں کا افتتاح اور سنگ بنیاد رکھا۔ عثمان بزدار نے شہریوں کی شکایات پر دو سرکاری افسران کو معطل کردیا۔

وزیراعلیٰ پنجاب عثمان بزدار چنیوٹ پہنچے اور 43 کروڑ 71 لاکھ روپے کے روڈ سیکٹر کے 4 منصوبوں کا افتتاح کیا۔ انہوں نے کھیت سے منڈی تک رسائی کے لئے 45 کلومیٹر طویل سڑکوں کی تعمیر کے4 منصوبوں کا افتتاح کیا جبکہ روڈ سیکٹر کے 85 کروڑ 31 لاکھ روپے کے2نئے منصوبوں کا سنگ بنیاد رکھا۔

وزیراعلیٰ نے چنیوٹ کی تحصیل بھوانہ میں تحصیل ہیڈ کوارٹر ہسپتال کے منصوبے کا سنگ بنیاد رکھا۔ وزیراعلی نے شجر کاری مہم کے تحت پودا بھی لگایا۔ تحصیلدار چینوٹ ندیم خواجہ اور اکاونٹ آفس کے اکاؤنٹنٹ محمد ارشد گھمن کیخلاف شہریوں کی جانب سے کرپشن کی شکایات پر انہیں معطل کرنے کا حکم دیا۔

وزیراعلیٰ نے سرگودھا کا بھی دورہ کیا اور وہاں 62 کروڑ 30 لاکھ روپے کے 6 منصوبوں کا افتتاح کیا۔ عثمان بزدار نے محنت کش بچوں کیلئے سکینڈ شفٹ میں لرننگ سنٹر کا افتتاح کرایا جبکہ بوٹینیکل گارڈن اور میاواکی فاریسٹ کا بھی افتتاح کیا۔