Aaj TV News

BR100 4,846 Increased By ▲ 46 (0.97%)
BR30 24,817 Increased By ▲ 124 (0.5%)
KSE100 45,175 Increased By ▲ 231 (0.51%)
KSE30 18,470 Increased By ▲ 87 (0.47%)
COVID-19 TOTAL DAILY
CASES 845,833 4198
DEATHS 18,537 108
Sindh 288,680 Cases
Punjab 312,522 Cases
Balochistan 22,900 Cases
Islamabad 77,065 Cases
KP 121,728 Cases

جنوبی کوریا دفاع کو مزید مضبوط کرنے کے لئے ایک قدم اور آگے بڑھ چکا ہے۔ جنوبی کوریا نے کے ایف 21 جنگی طیارے بنانے کے بعد جدید ترین فوجی ساز و سامان بنانے والے کلب میں شامل ہونے کا اعزاز بھی حاصل کرلیا ہے۔

جنوبی کوریا نے ایک نیا سپر سونک طیارہ متعارف کروایا ہے جسے "کے ایف 21 بورا مائی" کا نام دیا گیا ہے۔ آپریشنل ہونے کے بعد جنگی طیارے میں ہوا سے ہوا اور ہوا سے زمین پر مار کرنے والے میزائل سمیت کروز میزائلز بھی فٹ کئے جا سکیں گے۔

میڈیا رپورٹس کے مطابق دو انجنوں پر مشتمل طیارے کے دو ورژنز ہیں، جس میں سے ایک ورژن ایک سیٹ جبکہ دوسرا ورژن دوسیٹوں پر مشتمل ہوگا۔ اس حوالے سے جنوبی کوریا کے صدر مون جے اِن کا کہنا تھا کہ دفاعی سازو سامان کی تیاری کے نئے دور کا آغاز ہوگیا ہے۔ کے ایف 21 جنوبی کوریا کی ایوی ایشن انڈسٹری کی تاریخ میں ایک سنگ میل کی حیثیت رکھتا ہے۔

صدر مون جے اِن کا مزید کہنا تھا کہ گراؤنڈ اور فلائٹ ٹیسٹ کرنے کے بعد بڑے پیمانے پر کے ایف 21 طیاروں کی پروڈکشن شروع کردی جائے گی۔ 40 طیاروں کی پروڈکشن کے لئے 2028 اور 120 طیاروں کی پروڈکشن کے لئے 2032 تک کا ہدف مقرر کیا گیا ہے۔

جنوبی کورین وزیراعظم کا اس حوالے سے کہنا تھا کہ طیاروں کی پروڈکشن کی وجہ سے جہاں عوام کو نئی نوکریوں کے مواقع میسر آئیں گے وہیں ملک کو 5 ارب ڈالر سے زائد کا فائدہ ہوگا جس سے ملکی معیشت مزید مضبوط ہوگی۔