Aaj TV News

BR100 4,968 Increased By ▲ 42 (0.85%)
BR30 25,962 Increased By ▲ 309 (1.2%)
KSE100 46,018 Increased By ▲ 227 (0.5%)
KSE30 18,847 Increased By ▲ 130 (0.7%)
COVID-19 TOTAL DAILY
CASES 882,928 2566
DEATHS 19,752 135
Sindh 299,913 Cases
Punjab 328,775 Cases
Balochistan 23,931 Cases
Islamabad 79,371 Cases
KP 127,224 Cases

جہانگیر ترین ایک بار پھر کئی ایم این ایز اور ایم پی ایز کےساتھ بینکنگ کورٹ پہنچ گئے، پی ٹی آئی کے ایم این اے راجا ریاض کا کہنا ہے کہ ارکان عمران خان سے انصاف کا مطالبہ کررہے ہیں، اب اس بات کو آگے نہ بڑھائیں، اگر یہی رویہ رہا تو ہم بھی کوئی قدم اٹھا سکتے ہیں۔

تحریک انصاف کے رہنماجہانگیر ترین بیٹے علی ترین کے ہمراہ بینکنگ کورٹ میں پیش ہوئے۔

لاہور کی بینکنگ عدالت نے جہانگیر ترین اور ان کے بیٹے علی ترین کی عبوری ضمانت میں تین مئی تک توسیع کر دی، جہانگیر ترین کے وکلاء نے عدالت کے دائرہ اختیار کو چیلنج کر رکھا ہے۔

لاہور میں بینکنگ کورٹ کے باہر میڈیا سے گفتگو کرتے ہوئے جہانگیر ترین نے کہا کہ جو ایف آئی آر درج کی گئی ہیں اس میں فرضی کہانی بنائی گئی ہے، پہلےکاشت کار تھا پھر بزنس مین بنا اس کے بعد سیاستدان بنا، تینوں ایف آئی آرز میں چینی کی قیمت بڑھنے کا کوئی ذکر نہیں۔

انہوں نے کہا کہ میرے خلاف جھوٹی کہانی بنائی گئی، سوا سال سےوزیر اعظم ہاؤس نہیں گیا، نہیں پتا میرےخلاف کون کر رہا ہے، مگرکوئی تو کررہا ہوگا۔

اس موقع پر راجہ ریاض نے کہا کہ ارکان عمران خان سے انصاف کا مطالبہ کررہے ہیں، اب اس بات کو آگے نہ بڑھائیں، آج نہ انصاف ہے نہ ایمانداری ہے۔

راجہ ریاض کا کہنا ہے کہ ریاست مدینہ میں وہ انصاف کے طلب گار ہیں، وزیر اعظم معاملے کو آگے نہ بڑھائیں، اگر یہی رویہ رہا تو ہم بھی کوئی قدم اٹھا سکتے ہیں۔

اسحاق خاکوانی نے کہا کہ چند دنوں میں الزامات کا جواب دیں گے، چند دن دے دیں پھرسب کچھ سامنے لے آئیں گے، ہم کوئی ریلیف نہیں مانگ رہے، ہمیں 5 سے 6 دن دے دیں پھرسب کچھ سامنےلے آئیں گے۔