Aaj TV News

BR100 4,846 Increased By ▲ 46 (0.97%)
BR30 24,817 Increased By ▲ 124 (0.5%)
KSE100 45,175 Increased By ▲ 231 (0.51%)
KSE30 18,470 Increased By ▲ 87 (0.47%)
COVID-19 TOTAL DAILY
CASES 854,240 4109
DEATHS 18,797 120
Sindh 290,756 Cases
Punjab 316,334 Cases
Balochistan 23,186 Cases
Islamabad 77,684 Cases
KP 123,150 Cases

پاکستان کے معروف صحافی و یوٹیوبر صدیق جان اس وقت ٹویٹر پر ٹاپ ٹرینڈ بنے ہوئے ہیں آخر اس کے پیچھے معاملہ کیا ہے؟

کورٹ رپورٹر صدیق جان جو یوٹیوب پر اپنا ایک چینل بھی چلاتے ہیں اور ویڈیو بلاگز میں ملکی سیاسی و عدالتی معاملات پر اپنا نقطہ نظر پیش کرتے رہتے ہیں اس وقت ٹویٹر پر ٹاپ ٹرینڈ کررہے ہیں اور "سٹے سٹرونگ صدیق جان” کے اس ٹرینڈ کے تحت اب تک 49 ہزار سے زائد ٹویٹس ہوچکی ہیں۔

اس ٹرینڈنگ کے پیچھے معاملہ جسٹس قاضی فائز عیسیٰ کے کیس کے دوران پیش آنے والا واقعہ ہے جس میں صدیق جان کے بقول جسٹس قاضی فائز عیسیٰ نے انہیں کمرہ عدالت میں تضحیک آمیز رویے کا نشانہ بنایا اور ان سے ان کے مذہب سے متعلق سوال کیا۔

ٹویٹر پر اس ٹرینڈ کے تحت لاتعداد ٹویٹس ہوئیں جس میں سوشل میڈیا صارفین صدیق جان سے ڈٹ جانے اور ان کے ساتھ کھڑے رہنے کا اظہار کررہے ہیں۔

نوجوان صحافی عدیل وڑائچ نے اس ٹرینڈ کے ساتھ ٹویٹ کیا جو دیکھتے ہی دیکھتے ٹاپ ٹرینڈ بن گیا۔

یس چوہدری نامی ایک صارف نے لکھا کہ بہترین بھائی جان، ہمیں آپ پر فخر ہے۔

عمر انعام نے لکھا کہ صدیق جان بہترین کورٹ رپورٹر ہیں ، پورا پاکستان ان کے ساتھ کھڑا ہے۔

فرزانہ یوسف لکھتی ہیں کہ صدیق جان آپ ڈٹ کر اس جھوٹے اور کرپٹ جج کے سامنے ڈٹ کر کھڑے رہیں۔

عثمان چوہدری نامی صارف نے لکھا کہ سچائی کا دوسرا نام صدیق جان

آصف محمود کا کہنا ہےکہ ہم آپ کے ساتھ ہیں۔

لبنیٰ راجہ نے کہا کہ اگر لوگ آپ کو نیچے دھکیلنے کی کوشش کررہے ہیں تو اس کا مطلب آپ ان سے بلند ہیں۔