Aaj TV News

BR100 4,570 Decreased By ▼ -108 (-2.31%)
BR30 17,697 Decreased By ▼ -927 (-4.98%)
KSE100 44,833 Decreased By ▼ -674 (-1.48%)
KSE30 17,652 Decreased By ▼ -274 (-1.53%)
COVID-19 TOTAL DAILY
CASES 1,338,993 5,472
DEATHS 29,037 8
Sindh 509,308 Cases
Punjab 455,499 Cases
Balochistan 33,744 Cases
Islamabad 112,557 Cases
KP 182,619 Cases

ابوظہبی میں ایک عدالت نے سوشل میڈیا کی مشہور شخصیت کو تیز رفتاری سے گاڑی چلانے کے الزام میں قصور وار ٹھہرایا ہے۔

الزام کے مطابق مذکورہ شخصیت نے ایک شاہراہ عام پر اپنی سواری 205 کلو میٹر فی گھنٹہ کی جنونی تیز رفتار سے چلائی۔ اس شخصیت نے اپنی اور شاہراہ استعمال کرنے والوں کی زندگی کو خطرے میں ڈال دیا۔ مزید یہ کہ اس شخصیت نے اپنی سواری اور اپنی طاقت پر تفاخر کے اظہار کے طور پر اس واقعے کی وڈیو سوشل میڈیا پر جاری کر دی ۔

عدالت نے ایک اور شخص کو بھی قصور وار ٹھہرایا جس پر الزام تھا کہ اس نے مرکزی ملزم کے ساتھ اتفاق رائے اور جوش دلانے کی صورت میں اس جرم میں اپنی شراکت کو یقینی بنایا۔ اس دوسرے شخص نے اس پورے واقعے کی وڈیو بنائی اور پھر اسے سوشل میڈیا پر پھیلانے کے لیے گاڑی چلانے والی پہلی شخصیت کو بھرپور طریقے سے اکسایا۔

عدالت نے دونوں ملزمان کو تین ماہ کی جیل اور ہر ایک کو ایک ، ایک لاکھ درہم جرمانے کی سزا سنائی۔ علاوہ ازیں اس مجرمانہ کارروائی میں استعمال ہونے والی گاڑی اور موبائل فونوں کو ضبط کرنے کا بھی حکم جاری کیا۔ اماراتی خبر رساں ایجنسی "وام" کے مطابق مرکزی ملزم کا ڈرائیونگ لائسنس چھ ماہ کے لیے معطل کر دیا گیا ہے جب کہ اس عرصے میں اسے سوشل میڈیا استعمال کرنے کی اجازت نہیں ہو گی۔ عدالت نے وڈیو کلپ کو حذف کرنے اور واقعے میں استعمال ہونے والے دونوں سوشل میڈیا اکاؤنٹس کی بندش کا بھی حکم دیا۔