Aaj TV News

BR100 5,282 Increased By ▲ 24 (0.46%)
BR30 27,601 Increased By ▲ 46 (0.17%)
KSE100 48,305 Increased By ▲ 53 (0.11%)
KSE30 19,479 Decreased By ▼ -59 (-0.3%)
COVID-19 TOTAL DAILY
CASES 939,931 1,194
DEATHS 21,633 57
Sindh 327,021 Cases
Punjab 343,703 Cases
Balochistan 26,152 Cases
Islamabad 82,065 Cases
KP 135,569 Cases

سماجی رابطے کی مشہور ویب سائٹ ٹویٹر کے حکام نے اعلان کیا ہے کہ اب ہمارے صارفین ایک دوسرے سے رابطے کے ساتھ ساتھ اس پلیٹ فارم کے ذریعے پیسے بھی کما سکتے ہیں۔

میڈیا رپورٹس کے مطابق ٹویٹر نے اس حوالے سے ایک نیا فیچر متعارف کرایا ہے جسے ٹِپ جار کا نام دیا گیا ہے۔

ٹویٹر حکام کا کہنا ہے کہ ٹِپ جار فیچر کے ذریعے صارفین کو مختلف سہولتیں فراہم کی جائیں گی جن میں اکاؤنٹ بائیو میں ڈیجیٹل پیمنٹ اکاؤنٹس بھی شامل ہیں۔

اس نئے فیچر کو استعمال کرتے ہوئے صارفین ڈالر اس صارف کو دے سکیں گے جس کی ٹویٹ کو انہوں نے بہت زیادہ پسند کیا ہو گا۔

اس کیلئے ضروری نہیں کہ ہمیشہ کسی ایک ہی موضوع پر 280 الفاظ پر طبع آزمائی کی جائے۔ یہ الفاظ کسی کو میک اپ کی ٹپس دینے کی بھی ہو سکتی ہیں یا آپ کسی خبر کا تجزیہ بھی کر سکتے ہیں۔

اس کے علاوہ اگر کوئی شخص کسی مالی مشکل میں پھنس چکا ہے اور آپ اس کی مدد کرنا چاہتے ہیں تو اس کی مدد سے آپ ایسا کر سکتے ہیں۔

ٹویٹر نے اپنے اس نئے اقدام کا اعلان خود ایک ٹویٹ کے ذریعے کیا ہے جس میں صارفین کو خوشخبری دی گئی ہے کہ اب یہ پلیٹ فارم انھیں پیسے کما کر بھی دے سکتا ہے۔ اس ٹویٹ میں پیسے کمانے کا طریقہ بھی سکھانے کی کوشش کی گئی ہے۔

امریکی ٹیکنالوجی کمپنی ٹویٹر کی جانب سے اس فیچر کو ابھی محدود لوگوں تک رسائی دی گئی ہے تاکہ اس کو اچھے طریقے سے ٹیسٹ کرکے اس کے اچھے اور منفی پہلوؤں پر غور کیا جا سکے، اس کے بعد ہی اس ٹِپ جار فیچر کو دنیا بھر کے صارفین کیلئے پیش کیا جائے گا۔