Aaj TV News

BR100 4,597 Increased By ▲ 11 (0.24%)
BR30 17,781 Increased By ▲ 212 (1.21%)
KSE100 45,018 Increased By ▲ 192 (0.43%)
KSE30 17,748 Increased By ▲ 82 (0.46%)
COVID-19 TOTAL DAILY
CASES 1,360,019 6,540
DEATHS 29,077 12
Sindh 520,415 Cases
Punjab 460,335 Cases
Balochistan 33,855 Cases
Islamabad 115,939 Cases
KP 183,865 Cases

اسلام آباد ہائیکورٹ نے کورونا ویکسین کے مبینہ ناموافق اثرات کیخلاف2 درخواستیں خارج کردیں، چیف جسٹس اطہر من اللہ نے درخواستیں خارج کیں۔

اسلام آباد ہائیکورٹ کے چیف جسٹس اطہر من اللہ نے کورونا ویکسین کے مبینہ ناموافق اثرات سے متعلق درخواستوں کی سماعت کی ۔

درخواست گزارنے کہا کہ ویکسین اب ہر کسی کیلئے لازمی ہو چکی ہے، شہریوں کو اس کے اثرات کا پتہ ہونا چاہیئے،کورونا ویکسین کے ناموافق اثرات سے متعلق کوئی اقدامات نہیں کئے گئے۔

درخواست گزار نے استدعا کی کہ عدالت اس حوالے سے حکومت کو ہدایات جاری کرے، اس پرچیف جسٹس اطہر من اللہ نے ریمارکس دیئے کہ یہ عدالت بلاوجہ کسی کو ڈائریکشنز نہیں دیتی ، درخواست گزارشہری نے پھر کہا کہ ریاست اپنی ذمہ داری پوری نہیں کر رہی۔

چیف جسٹس اسلام آباد ہائیکورٹ نے کہا کہ ریاست اپنی ذمہ داری پوری کر رہی ہے ، کس نے آپ کو کہا ریاست ذمہ داری نہیں لے رہی ، آپ متبادل فورم پر این سی او سی کے پاس جا سکتے ہیں۔

چیف جسٹس نے کہا کہ ریاست اپنی ذمہ داری پوری کر رہی ہے، کس نے آپ کو کہا ریاست ذمہ داری نہیں لے رہی،آپ متبادل فورم پر این سی او سی کے پاس جا سکتے ہیں۔

عدالت نے شہری سے استفسارکیا کہ کس کے کہنے پر آپ نے یہ پٹیشن دائر کی؟ کس نے یہ ڈرافٹ کی؟ پٹیشن دائر کرنے سے متعلق شہری عدالت کو کوئی خاطر خواہ جواب نہ دے سکا ۔

جس کے بعد اسلام آباد ہائیکورٹ کے چیف جسٹس اطہر من اللہ نے درخواست خارج کرنے کا فیصلہ سنا دیا۔