پاکستان میں پھر ٹک ٹاک پر پابندی لگادی گئی ہے۔ پاکستان ٹیلی کمیونیکیشن اتھارٹی نے ایک بار پھر سوشل میڈیا ایپ ٹک ٹاک پر پابندی لگا دی۔

پی ٹی اے کے مطابق ایپ پر نامناسب مواد کی مسلسل موجودگی کے سبب پابندی لگائی گئی ہے۔

انتظامیہ نے مطلع کیے جانے کے باوجود مواد ہٹانے کے لیے کوئی اقدامات نہیں کیے۔

اس سے قبل سندھ ہائیکورٹ نے ویڈیو شیئرنگ ایپ ٹاک ٹاک سے پابندی ہٹادی تھی اور اس حوالے سے پی ٹی اے کو ہدایت جاری کردی ہے ۔

پی ٹی اے کی جانب سے ٹک ٹاک پر پابندی ہٹانے سے متعلق اپیل دائر کی گئی تھی ۔

بعدازاں سندھ ہائیکورٹ نے یہ پابندی ہٹاتے ہوئے پی ٹی اے کو ہدایت کی ہے کہ وہ ٹک ٹاک ایپ کیخلاف شکایت کنندا کی شکایت پر فیصلہ پانچ جولائی تک کرے ۔

اٹھائیس جون کو سندھ ہائیکورٹ نے ٹک ٹاک پر پابندی لگانے کا فیصلہ سنایا تھا ، پہلے دو مرتبہ بھی ٹک ٹاک پر پاکستان میں پابندی لگائی جاچکی ہے جس کے بعد اب دوبارہ تیسری مرتبہ یہ قدم اٹھایا گیا تھا۔

پریس ریلیز : پریوینشن آف الیکٹرانک کرائمز ایکٹ 2016 کی متعلقہ دفعات کی روشنی میں پی ٹی اے نے ملک میں ٹِک ٹاک ایپ اور ویب سائٹ تک رسائی کو بلاک کردیا ہے۔ یہ کارروائی پلیٹ فارم پر نامناسب مواد کی مستقل موجودگی اور پلیٹ فارم کے ایسے مواد کو روکنے میں ناکامی کی وجہ سے کی گئی ہے.

— PTA (@PTAofficialpk) July 21, 2021