Aaj TV News

BR100 4,570 Decreased By ▼ -108 (-2.31%)
BR30 17,697 Decreased By ▼ -927 (-4.98%)
KSE100 44,833 Decreased By ▼ -674 (-1.48%)
KSE30 17,652 Decreased By ▼ -274 (-1.53%)
COVID-19 TOTAL DAILY
CASES 1,338,993 5,472
DEATHS 29,037 8
Sindh 509,308 Cases
Punjab 455,499 Cases
Balochistan 33,744 Cases
Islamabad 112,557 Cases
KP 182,619 Cases

واشنگٹن :امریکی صدر جوبائیڈن نے کابل سے عملے کے انخلا ءکیلئے مزید ایک ہزار فوجی بھیجنے کا اعلان کردیا۔

امریکی محکمہ دفاع پینٹاگون کا کہنا ہےکہ صدر جوبائیڈن نے امریکی اورافغان شہریوں کی واپسی کیلئے مزید ایک ہزار فوجی اہلکار بھیجنے کی منظوری دی ہے۔

امریکی حکام کے مطابق مجموعی طور پر 6 ہزار امریکی فوجی اہلکار افغانستان بھیجے جائیں گے، افغانستان سے محفوظ مقام پر منتقل ہونے والوں کو ائیرپورٹ پر اکٹھا کیا گیا ہے۔

کابل ائیر پورٹ کو محفوظ رکھنے کی کوششیں جاری ہیں،امریکی وزارت دفاع اور خارجہ

دوسری جانب امریکی وزارت دفاع اور وزارت خارجہ نے مشترکہ بیان میں کہا ہےکہ کابل ائیر پورٹ کو محفوظ رکھنے کی کوششیں جاری ہیں، امریکی و اتحادی عسکری اور سول عملے کا بحفاظت انخلا ءچاہتے ہیں۔

امریکی حکام کا کہنا ہے کہ 48 گھنٹوں میں 6 ہزار امریکی فوجی تعینات کئے جائیں گے، افغانستان کا ائیر ٹریفک کنٹرول بھی سنبھال لیا جائے گا جبکہ افغانستان میں امریکی شہریوں اور افغان اسٹاف کو فیملیز سمیت ملک سے نکالا جائے گا۔

امریکی حکام نے مزید کہا کہ سکیورٹی کلیئرنس اور خصوصی ویزا کے حامل افغان شہریوں کو بھی جلد نکالا جائے گا اور ایسے تمام شہریوں کو امریکا منتقل کیا جائے گا۔