Aaj TV News

BR100 4,979 Decreased By ▼ -47 (-0.94%)
BR30 24,460 Decreased By ▼ -313 (-1.26%)
KSE100 46,636 Decreased By ▼ -284 (-0.61%)
KSE30 18,480 Decreased By ▼ -178 (-0.95%)
COVID-19 TOTAL DAILY
CASES 1,218,749 2,928
DEATHS 27,072 68
Sindh 448,658 Cases
Punjab 419,423 Cases
Balochistan 32,707 Cases
Islamabad 103,720 Cases
KP 170,391 Cases

قومی سلامتی کے مشیر ڈاکٹر معید یوسف نے کہا ہے کہ عالمی برادری کی طرف سے افغانستان کو ایک بار پھر تنہا چھوڑنا ایک غلطی ہوگی۔

سینٹر فار ایروسپیس اینڈ سیکیورٹی اسٹڈیز کے زیر اہتمام ایک بین الاقوامی ویب نار سے خطاب کرتے ہوئے انہوں نے کہا دنیا افغان طالبان کے ساتھ تعمیری اشتراک عمل کرے تاکہ حکومتی ڈھانچے کے انہدام کو روکا جا سکے اور پناہ گزینوں کے ایک اور بحران سے بچا جا سکے۔

ڈاکٹر معید یوسف نے کہاپاکستان افغانستان میں امن و استحکام کےلئے دنیا کے ساتھ رابطے میں ہے۔افغانستان میں سوویت یونین اور افغان مجاہدین کے تنازعے کے بعد مغربی دنیا نے تباہ کن غلطیاں کیں، جن میں یہ غلطیاں بھی شامل تھیں کہ افغانستان کو تنہا چھوڑ دیا گیا اور اپنے اتحادیوں سے انتہائی تعلق رکھنے والوں پر پابندیاں عائد کر دی گئیں۔

انہوں نے کہا افغانستان کو تنہا چھوڑنے اور دہشتگردی کے خلاف جنگ کے نتیجے میں پاکستان واحد ملک تھا جس نے تکالیف برداشت کیں۔

اس موقع پر خطاب کرتے ہوئے چین کے چانگ ڈو انسٹی ٹیوٹ آف ورلڈ افیئرز کے صدر ڈاکٹر لانگ شنگ چُن نے کہاافغانستان کی تعمیرِ نو میں ہمسایہ ممالک کو قائدانہ کردار ادا کرنا چاہیئے۔

انہوں نے کہا کہ پاکستان اس سلسلے میں سب سے اہم ملک ہے.چین پاکستان اقتصادی راہداری کو افغانستان تک توسیع دی جانی چاہیئے اور افغان معیشت کےاستحکام میں گوادر بندرگاہ اہم کردار ادا کر سکتی ہے۔

ریڈیو پاکستان