Aaj TV News

BR100 4,824 Decreased By ▼ -34 (-0.7%)
BR30 23,456 Decreased By ▼ -410 (-1.72%)
KSE100 45,561 Decreased By ▼ -448 (-0.97%)
KSE30 18,018 Decreased By ▼ -161 (-0.89%)
COVID-19 TOTAL DAILY
CASES 1,230,238 2,333
DEATHS 27,374 47
Sindh 452,267 Cases
Punjab 424,701 Cases
Balochistan 32,796 Cases
Islamabad 104,472 Cases
KP 171,874 Cases

وفاقی وزیر اطلاعات و نشریات فواد چوہدری کہتے ہیں ہم افغانستان کی خواتین کی فٹبال ٹیم کو خوش آمدید کہتے ہیں.

ٹوئٹر پیغام میں فواد چوہدری کا کہنا تھا کہ افغان خواتین کھلاڑیوں کے پاس افغانستان کا پاسپورٹ اور پاکستان کا ویزا تھا. ٹیم کا استقبال پاکستان فٹبال فیڈریشن کے نعمان ندیم نے کیا.

وزیر اطلاعات نے کھلاڑیوں کی تعداد اور ان کی آمد کے مقاصد کے متعلق کوئی معلومات نہیں دی.

گزشتہ ماہ طالبان کے دوبارہ اقتدار میں آنے کے بعد سے بڑی تعداد میں افغان دانشور اور عوامی شخصیات بالخصوص خواتین ملک سے باہر جارہی ہیں.

1996 سے 2001 کے حکومت میں طالبان کی جانب سے خواتین پر سخت پابندیاں عائد تھیں اور ان پر نوکری، تعلیم اور کھیل کے دروازے بند تھے.

گزشتہ ہفتے طالبان کے ایک نمائندے نے آسٹریلوی نشریاتی ادارے کو کہا تھا کہ ان کا نہیں خیال خواتین کو کرکٹ کھیلنے کی اجازت دی جائے گی کیوں کہ یہ ضروری نہیں اور یہ اسلام کے خلاف ہوگا.

مزید کہا گیا کہ اسلام اور اسلامی امارت خواتین کو کرکٹ یا کوئی بھی ایساکھیل کھیلنے کی اجازت نہیں دیگی جہاں انہیں کُھلنے پڑے گا.