Aaj TV News

BR100 4,401 Decreased By ▼ -270 (-5.78%)
BR30 17,494 Decreased By ▼ -1340 (-7.12%)
KSE100 43,234 Decreased By ▼ -2135 (-4.71%)
KSE30 16,698 Decreased By ▼ -878 (-4.99%)
COVID-19 TOTAL DAILY
CASES 1,285,631 377
DEATHS 28,745 8
Sindh 476,017 Cases
Punjab 443,240 Cases
Balochistan 33,488 Cases
Islamabad 107,765 Cases
KP 180,146 Cases

کراچی :سپریم کورٹ نے اورنگی اور گجر نالہ کیس کا تحریری حکمنامہ جاری کردیا، عدالت نے کہاکہ فنڈز کی کمی سے متعلق سندھ حکومت کا موقف قابل قبول نہیں،وزیراعلی سندھ بحالی کیلئے اقدامات کریں۔

سپریم کورٹ کراچی رجسٹری کی جانب سے اورنگی ٹاؤن اور گجر نالہ کیس کے تحریری حکم نامہ میں بتایا گیا ہے کہ ایڈوکیٹ جنرل نے متاثرین کی بحالی میں فنڈز کی کمی کا دعوی کیا، ہمیں فنڈز کی کمی سے متعلق سندھ حکومت کا مؤقف قابل قبول نہیں۔

تحریری حکم نامے میں وزیراعلیٰ سندھ کو متاثرین کی بحالی کیلئے ہر ممکن اقدامات کرنے کی ہدایت کرتے ہوئے کہا گیا ہے کہ متاثرین کو تمام سہولیات کے ساتھ ایک سال میں بسایا جائے۔

سپریم کورٹ نے وزیر اعلیٰ سندھ مراد علی شاہ کو اقدامات سے متعلق دو ہفتے میں ابتدائی رپورٹ پیش کرنے کا حکم دیا ہے۔

دوسری جانب نالوں کی توسیع سے متعلق کیس میں کے ایم سی وکیل نے عدالت سے شکوہ کیا کہ سپریم کورٹ نے نالوں کی توسیع کا حکم دے رکھا ہے لیکن سندھ ہائیکورٹ اب بھی حکم امتناعی جاری کر رہی ہےنہ صرف حکم امتناعی بلکہ ہمارے افسران پر توہین عدالت لگائی جارہی ہے۔

وکیل کے ایم سی نے عدالت سے استدعا کی کہ ہائی کورٹ کو حکم امتناع اور توہین عدالت کی کارروائی سے روکا جائے۔

چیف جسٹس گلزار احمد نے کہا آپ درخواست دائر کریں، عدالت معاملے کو دیکھے گی۔