Aaj TV News

BR100 4,623 Increased By ▲ 6 (0.12%)
BR30 17,917 Increased By ▲ 191 (1.08%)
KSE100 45,078 Decreased By ▼ -5 (-0.01%)
KSE30 17,793 Decreased By ▼ -35 (-0.2%)
COVID-19 TOTAL DAILY
CASES 1,410,033 7,963
DEATHS 29,219 27
Sindh 538,196 Cases
Punjab 474,208 Cases
Balochistan 34,277 Cases
Islamabad 125,203 Cases
KP 190,578 Cases

کراچی :انٹربینک میں پہلی بار ڈالر کی قیمت 170روپے پر پہنچ گئی ، رواں ماہ ڈالر کی قیمت میں 3روپے 13پیسے اضافہ ریکارڈ کیا گیا۔

امریکی ڈالرکی قیتی میں مسلسل اضافہ دیکھا جارہا ہے،کاروبار کے آغاز پر آج انٹربینک میں ڈالر کی قیمت میں 41پیسے کااضافہ ہوا، جس کے بعد انٹربینک میں پہلی بار ڈالر 170روپے کی بلند ترین سطح پر جاپہنچا۔

فاریکس ایسوسی ایشن آف پاکستان کے صدر ملک بوستان کا کہنا ہے کہ ڈالر نے تمام ریکارڈ توڑ دیئے،مہنگائی میں اضافہ ہوگا۔

انہوں نے کہا کہ حکومت زیرو مارجن پر ایل سی کھولنے پر پابندی عائد کرے تو ڈالر کی قیمت میں نمایاں کمی ہوگی۔

اقتصادی ماہرین کا کہنا ہے کہ درآمدی بل اور کرنٹ اکاؤنٹ خسارہ بڑھنے کی وجہ سے روپیہ دباؤ کا شکار ہے۔

اقتصادی ماہرین کا مزیدکہنا ہے کہ ڈالر کی قیمت میں اضافے سے پاکستان پر عائد بیرونی قرضوں کی روپے میں مالیت بڑھ جائے گی بلکہ مہنگائی میں بھی اضافہ ہوگا، ڈالر کی قیمت کنٹرول کرنے کلئے اقدامات کئے جائیں۔