وزیر مملکت برائے اطلاعات ونشریات فرخ حبیب کہتے ہیں پاکستان کو فلاحی ریاست میں بدلنا وزیراعظم عمران خان کا ویژن ہے۔

ہفتے کو فیصل آباد میں ورکرزکنونشن سے خطاب کرتے ہوئے انہوں نے کہا احساس جیسے منصوبوں کے ذریعے معاشرے کے پسماندہ اور کم مراعات یافتہ طبقوں کو غربت سے نکالا جارہا ہے۔

انہوں نے کہا وزیراعظم اقوام عالم میں پاکستان کے مثبت تشخص کو فروغ دینے کےلئے پرعزم ہیں۔سابقہ حکومت نے ملک میں پیداوار بڑھانے اور معیشت کو بہتر بنانے کی بجائے بدعنوانی، منی لانڈرنگ اور جعلی اکاؤنٹس پر اپنی توجہ مرکوز رکھی۔

انہوں نے کہا کورونا وائرس وباء سے نمٹنے کےلئے دنیا وزیراعظم عمران خان کی پالیسیوں کی تعریف کررہی ہے۔

ریڈیو پاکستان