وزیر مملکت برائے موسمیاتی تبدیلی زرتاج گل کہتی ہیں حکومت خصوصاً جنوبی وزیرستان میں خشک میوہ جات کی پیداوار بہتر بنانے کےلئے تمام سہولتیں فراہم کررہی ہے جو ایشیاء میں چلغوزوں اور دیگر خشک میوہ جات کی بڑی منڈیوں میں سے ایک ہے۔

ڈیرہ اسماعیل خان میں ایک اجلاس سے خطاب کرتے ہوئے انہوں نے کہا حکومت خشک میوہ جات خصوصاً چلغوزوں کی پیداوار بہتر بنانے کےلئے اعلیٰ معیار کے بیجوں کی فراہمی میں مقامی کاشتکاروں کی مدد کررہی ہے۔

انہوں نےکہااس اقدام سےمعیشت کو تقویت پہنچے گی اور مقامی افراد کےلئے روزگار اور کاروبار کے مواقع پیدا ہوں گے۔عالمی حدت کے اثرات سے نمٹنے کےلئے حکومتی پالیسیوں کو عالمی برادری کی جانب سے تسلیم کیا جارہا ہے اور اس حوالے سے اضافی اقدامات کیے جارہے ہیں۔

بعد ازاں انہوں نے جلانے کےلئے لکڑی کے استعمال پر انحصار میں کمی کےلئے کیے گئے اقدامات کے تحت 250 گیس کے چولہے تقسیم کیے۔

ریڈیو پاکستان