Aaj TV News

BR100 4,607 Decreased By ▼ -61 (-1.3%)
BR30 20,274 Decreased By ▼ -618 (-2.96%)
KSE100 44,629 Decreased By ▼ -192 (-0.43%)
KSE30 17,456 Decreased By ▼ -66 (-0.38%)
COVID-19 TOTAL DAILY
CASES 1,265,047 663
DEATHS 28,280 11
Sindh 465,819 Cases
Punjab 437,974 Cases
Balochistan 33,128 Cases
Islamabad 106,469 Cases
KP 176,886 Cases

افریقی ملک مالی کے وسطی علاقے میں دہشتگردوں نے بدھ کے روز سیکیورٹی فورسز پرحملہ کیا جس کے نتیجے میں16سیکیورٹی اہلکار ہلاک اور 10 زخمی ہوگئے۔

العربیہ ڈاٹ نیٹ کے مطابق مالی کی فوج کی طرف سے پہلے جاری ایک بیان میں شدت پسندوں کے ساتھ جھڑپ میں پانچ فوجیوں کی ہلاکت اور آٹھ کے زخمی ہونے کی اطلاع دی تھی تاہم وسطی مالی میں ایک طبی عہدیدار نے ہلاک ہونے والے فوجیوں کی تعداد 16 بتائی ہے جبکہ 10 سیکیورٹی اہلکار زخمی ہوئے ہیں۔

ایک سیکیورٹی ذرائع نے شناخت خفیہ رکھتے ہوئے بتایا کہ حملے میں ہلاک ہونے والے فوجیوں کی تعداد 16 ہوگئی ہے۔

دوسری جانب وسطی مالی شہر بانکاس کے میئرمولائی گویندی نے خبررساں ادارے ’رائیٹرز‘ کو بتایا کہ دہشتگردوں کے حملے میں 16فوجی اہلکار مارے گئے۔ ایک دوسرے مقامی عہدیدار نے ہلاکتوں کی تعداد 10 بتائی ہے۔

قبل ازیں منگل کے روز عالمی سلامتی کونسل نے دہشت گردوں کی فائرنگ سے ایک فوجی اہلکار کی ہلاکت کی مذمت کرتے ہوئے اس کی انکوائری شروع کی تھی۔

گذشتہ ہفتے اقوام متحدہ نے اپنے ایک فوجی کی ہلاکت اور چار کے زخمی ہونے کی تصدیق کی تھی۔