Aaj TV News

BR100 4,519 Increased By ▲ 22 (0.49%)
BR30 18,277 Decreased By ▼ -62 (-0.34%)
KSE100 44,114 Increased By ▲ 178 (0.41%)
KSE30 17,034 Increased By ▲ 95 (0.56%)
COVID-19 TOTAL DAILY
CASES 1,283,886 411
DEATHS 28,704 7
Sindh 475,097 Cases
Punjab 442,876 Cases
Balochistan 33,471 Cases
Islamabad 107,601 Cases
KP 179,888 Cases

گوگل اور بھارت سے تعلق رکھنے والے ایشیا کے سب سے امیر شخص مُکیش امبانی نے بھارت میں دنیا کے سب سے سستے سمارٹ فون کے لیے ایڈوانس آرڈر کھول دیے۔

فرانسیسی خبر رساں ادارے اے ایف پی کے مطابق گوگل اور مکیش امبانی کا پیر کو اٹھایا گیا یہ اقدام تیزی سے فروغ پذیر مارکیٹ میں داخل ہونے کی دوڑ کا حصہ ہے۔

مکیش امبانی کی کمپنی "ریلائنس انڈسٹریز" نے گزشتہ سال جولائی میں اعلان کیا تھا کہ وہ 4G سمارٹ فون لانچ کرنے کے لیے گوگل کے ساتھ شراکت کرے گی۔ اس طرح وہ چینی اور جنوبی کوریائی مینوفیکچررز کے ساتھ مقابلہ کرے گی جن کی پوزیشن بھارت میں پہلے سے ہی مستحکم ہے۔

JioPhone Next 10 بھارتی زبانوں میں مواد پیش کرے گا اور اس کی قیمت 6400 روپے (یعنی 87 ڈالرز) ہے، جس میں سے صارفین ابتدائی طور پر 1999 روپے جبکہ باقی رقم قسطوں میں ادا کر سکیں گے۔

امبانی نے ایک بیان میں کہا کہ یہ ہینڈ سیٹ ایک "بریک تھرو ڈیوائس" ہے جو عام بھارتیوں کو بااختیار بنائے گا اور ان کے ڈیجیٹل سفر کو اگلے درجے تک لے جائے گا۔

لیکن ایم کے گلوبل فنانشل سروسز کے تجزیہ کار نیول سیٹھ اور سونالی شاہ نے ایک نوٹ میں کہا کہ قیمت کا ٹیگ فی الحال ’عوام کے لیے کافی پرکشش‘ نہیں ہے۔

ان کا کہنا تھا کہ ریلائنس کی ٹیلی کام ونگ "Jio" نے پچھلے فونز کی قیمتوں میں کئی بار کمی کی ہے ’جس سے اس کی صارفین میں قبولیت میں تیزی آئی۔‘

واضح رہے کہ Jio اُنتالیس کروڑ 83 لاکھ سبسکرائبرز کے ساتھ بھارت کا سب سے بڑا موبائل نیٹ ورک آپریٹر ہے، جس نے 2016 میں لانچ ہونے پر مفت کالز اور انتہائی سستے ڈیٹا کے ساتھ مارکیٹ میں اضافہ کیا۔

مذکورہ نئے فون کی لانچنگ اس ہفتے کے آخر میں ہندو تہوار دیوالی کے موقع پر ہوئی ہے جو روایتی طور پر بھارت میں سال کا سب سے بڑا خریداری کا دورانیہ ہوتا ہے۔