Aaj.tv Logo

لاہور:ایڈہاک ڈاکٹروں کو ملازمتوں میں بڑا ریلیف مل گیا، وزیراعلیٰ پنجاب عثمان بزدارنے ملازمتوں میں ایک برس کیلئے توسیع کی منظوری دے دی۔

وزیراعلیٰ پنجاب عثمان بزدار کی خصوصی ہدایت پر ایڈہاک ڈاکٹروں کو ملازمتوں میں بڑا ریلیف مل گیا،ملازمتوں میں ایک برس کیلئے توسیع کی منظوری دے دی گئی۔

عثمان بزدار کا کہناہے کہ اس اقدام سے 4 ہزار سے زائد ایڈہاک ڈاکٹرز کو حقیقی معنوں میں ریلیف ملے گا۔

وزیراعلیٰ پنجاب نے ایڈہاک ڈاکٹروں کو تنخواہوں کی ادائیگی بروقت یقینی بنانے کی ہدایت کی۔

وزیراعلیٰ پنجاب عثمان بزدارنے کہا کہ ری اپوائنٹمنٹ اور دیگر ایشوز کو فوری حل کیا جائے گا،ایڈہاک ڈاکٹروں کے مسائل کے حل کیلئے متعلقہ حکام کو ہدایات جاری کردی ہیں۔

عثمان بزدار نے یقین دہانی کرائی کہ ایڈہاک ڈاکٹروں کوآئندہ ری اپوائنٹمنٹ کے حوالے سے مسائل کا سامنا نہیں کرنا پڑے گا۔