گندم پچاس روپے مہنگی ہونے کا خدشہ
گندم کےسرکاری کوٹے اور گرائنڈنگ کوٹے سمیت دیگر مطالبات کی منظوری کیلئے فلور ملز ایسوسی ایشن نے حکومت پنجاب کو ایک ہفتے کی ڈیڈ لائن دے دی جبکہ گندم کا تھیلہ بھی پچاس روپے مہنگا ہونے کا خدشہ پیدا ہوگیا۔
فلور ملزمالکان کہتے ہیں کہ مطالبات منظور نہ ہوئے تو آٹے کی تھیلے کی قیمت میں اضافے کے علاوہ ہڑتال بھی کی جائے گی۔
فلور ملز ایسوسی ایشن کے مطابق فلور مل مالکان نے حکوت کو مطالبات کی منظوری کیلئے ایک ہفتے کی ڈیڈ لائن دے دی۔ تاہم مطالبات منظور نہ ہوئے تو اگلے منگل سے ہڑتال کریں گے۔
فلور ملز ایسوسی ایشن کے عاصم رضا کا کہنا تھا کہ گندم کا کوٹہ کم از کم بنچ مارک 18 بوری فی رولر باڈی کیا جائے۔
ان کا مزید کہنا تھا کہ دیگر اضلاع سے 35 فیصد گندم اٹھانے کی شرط ختم کی جائے،اور فلور ملز کے گرائنڈنگ چارجز پر بھی نظر ثانی کی جائے۔
عاصم رضا نے مزید کہا کہ پرائیویٹ گندم کے اعدادوشمار صرف پورٹل پر ڈالے جائیں گے،پچھلے سال ان دنوں میں 24 ہزار ٹن سرکاری گندم فراہم کی جارہی تھی، اب محکمہ خوراک صرف 18 ہزار ٹن روزانہ گندم فراہم کررہی ہے۔
عاصم رضا کا کہنا تھا کہ گندم کا کوٹہ بڑھائے بنا آٹے کی قلت ختم نہیں ہوسکتی۔
ان کا کہنا تھا کہ ایک ہفتے میں معاملات طے نہ ہوئے تو منگل سے ہڑتال کی جائے گی، گندم کا تھیلا بھی پچاس روپے مہنگا ہوگا۔
Comments are closed on this story.