Aaj News

بنگلہ دیشی کرکٹرمحمود اللہ نے ٹیسٹ کرکٹ سے ریٹائرمنٹ کا اعلان کردیا

ڈھاکا:پاکستان کیخلاف ٹیسٹ سیریز سے قبل بنگلادیش کی ٹی 20 ٹیم کے...
شائع 25 نومبر 2021 09:41am

ڈھاکا:پاکستان کیخلاف ٹیسٹ سیریز سے قبل بنگلادیش کی ٹی 20 ٹیم کے کپتان محمود اللہ نے ٹیسٹ کرکٹ سے ریٹائرمنٹ کا اعلان کردیا۔

محمود اللہ نے پاکستان کیخلاف ٹی ٹوئنٹی سیریز میں بنگلادیشی ٹیم کی قیادت کی تھی۔

سوشل میڈیا پر اپنے پیغام میں 35 سالہ آل راؤنڈر محمود اللہ نے ٹیسٹ کرکٹ سے ریٹائرمنٹ کا اعلان کرتے ہوئے کہا کہ وہ باضابطہ طورپر ٹیسٹ کرکٹ سے ریٹائر ہور ہے ہیں۔

محمود اللہ کا کہنا تھا کہ اُنہوں نے اپنے پہلے اور آخری ٹیسٹ میں مین آف دی میچ کا ایوارڈ حاصل کیا، ٹیسٹ کرکٹ میں اُن کا سفر شاندار رہا، وہ اپنے خاندان، ساتھی کھلاڑیوں، کوچز اور بنگلادیش کرکٹ بورڈ کے شکر گزار ہیں۔

انہوں نے کہا کہ وہ ون ڈے اور ٹی ٹوئنٹی کرکٹ کھیلتے رہیں گے،محمود اللہ پاکستان کیخلاف پہلے ٹیسٹ میچ کیلئے اعلان کردہ بنگلادیشی اسکواڈ میں شامل نہیں تھے۔

محمو داللہ نے 50 ٹیسٹ میچز میں ملک کی نمائندگی کی جس میں اُنہوں نے 94 اننگز میں 2914 رنز 33 اعشاریہ 49 کی اوسط سے بنائے۔

ٹیسٹ کرکٹ میں اُن کی سب سے بڑی اننگز 150 رنز ناٹ آؤٹ کی رہی، اُنہوں نے پانچ سنچریاں اور 16 نصف سنچریاں بھی اسکور کیں۔

خیال رہے کہ بنگلادیش کرکٹ ٹیم کے ایک اور اسٹار کھلاڑی شکیب الحسن پوری طرح فٹ نہیں ہوسکے، وہ پاکستان کیخلاف پہلے ٹیسٹ سے باہر ہوگئے ہیں، شکیب الحسن ہیمسٹرنگ انجری کا شکار ہیں جس سے ابھی تک چُھٹکارا نہیں پاسکے ہیں۔

Retirement

Dhaka

mehmood ullah

test cricket

1st test match

PAK vs BAN

Comments are closed on this story.

مقبول ترین