آرمی چیف جنرل قمر جاوید باجوہ سےافغانستان اورپاکستان کیلئے جرمنی کے خصوصی نمائندے کی ملاقات ہوئی۔

ملاقات میں باہمی دلچسپی،علاقائی سیکورٹی اور افغانستان کی صورتحال پرتبادلہ خیال کیا گیا۔

ملاقات میں آرمی چیف نےکہا کہ غیرمستحکم اوراقتصادی طورپردیوالیہ افغانستان دنیا کیلئے بہترنہیں۔

آئی ایس پی آرکےمطابق آرمی چیف جنرل قمرجاوید باجوہ سےافغانستان اور پاکستان کیلئےجرمنی کےخصوصی نمائندے جیسپروئیک نے ملاقات کی۔

ملاقات میں باہمی دلچسپی، علاقائی سیکورٹی اور افغانستان کی صورتحال پر تبادلہ خیال کیا گیااور افغانستان میں امدادی کاموں کے لئے تعاون اور شراکت داری کے امور بھی زیرغور آئے،

ملاقات میں آرمی چیف نے کہا کہ پاکستان عالمی اور علاقائی امور میں جرمنی کے کردار کو خصوصی اہمیت دیتاہے، پاکستان جرمنی کے ساتھ باہمی تعلقات کو وسعت دینے کا خواہاں ہے۔

ملاقات میں آرمی چیف کا کہنا تھا کہ غیر مستحکم اور اقتصادی طور پر دیوالیہ افغانستان دنیا کیلئے بہتر نہیں، افغانستان کے حوالے سے سنجیدہ اور بامقصد عالمی کوششوں سے افغانستان میں انسانی بحران سے بچا جا سکتا ہے۔

ملاقات میں آرمی چیف نے پرامن افغانستان اور مصالحتی عمل کی اہمیت پر بھی زور دیا۔

جرمن خصوصی نمائندے نے افغانستان کی صورتحال میں پاکستان کے کردار بالخصوص بارڈر مینجمنٹ اور خطے میں استحکام کیلئے پاکستان کے کردار کو سراہا۔