سعودی حکومت نے کورونا وائرس کی پابندیوں میں کمی کرتے ہوئے مملکت میں داخلے پر پی سی آر ٹیسٹ اور قرنطینہ کی شرط ختم کردی۔

سعودی گزٹ کے مطابق حرمین شریفین یعنی (مسجد الحرام اور مسجد نبویﷺ) سمیت تمام مساجد میں سماجی فاصلے کی پابندیاں بھی ختم کرتے ہوئے ماسک لازمی قرار دیا گیا ہے۔

اس کے علاوہ وزارت داخلہ کے مطابق تمام بند اور کھلے مقامات اور تقریبات پر سماجی فاصلے کو بھی معطل کر دیا۔

سعودی حکام نے (جنوبی افریقہ، نمیبیا، بوٹسوانا، زمبابوے، لیسوتھو، ایسواتینی، موزمبیق، ملاوی، ماریشس، زیمبیا سے آنے والے مسافروں کے لئے پی سی آر ٹیسٹ اور قرنطینہ کی شرط کردی ہے۔

اس کے ساتھ ہی مڈغاسکر، انگولا، سیشلز، یونائیٹڈ ریپبلک آف کوموروس، نائجیریا، ایتھوپیا اور افغانستان سے براہ راست پروازوں اور مملکت میں آمد پر پابندی اٹھا لی۔