Aaj News

یوٹیوب کا روس کے تمام سرکاری چینلز بند کرنے کا اعلان

یوٹیوب نے یہ بتانے سے انکار کر دیا کہ عالمی سطح پر کون سے اور کتنے چینلز کو بلاک کر دیا گیا ہے
شائع 12 مارچ 2022 09:40am
یوٹیوب نے یورپ بھر میں روس کے معروف چینلز RT اور Sputnik کو بلاک کر دیا تھا
یوٹیوب نے یورپ بھر میں روس کے معروف چینلز RT اور Sputnik کو بلاک کر دیا تھا

دنیا کی مقبول ویب سائٹ یوٹیوب نے یوکرین پر حملے کے بعد روس کے سرکاری چینلز بلاک کرنے کا اعلان کردیا۔

میڈیا رپورٹ کے مطابق یوٹیوب نے فوری طور پر دنیا بھر میں روس کی فنڈنگ سے چلنے والے تمام چینلز بلاک کردیئے۔

یوٹیوب کے ترجمان فرشاد شادلو نے کہا کہ روسی آؤٹ لیٹس کو بلاک کرنا اس پالیسی کے مطابق تھا۔

اس سے قبل اس سے پہلے، یوٹیوب نے یورپ بھر میں روس کے معروف چینلز RT اور Sputnik کو بلاک کر دیا تھا۔

اسی اثنا میں یوٹیوب انتظامیہ نے اپنے بیان میں کہا کہ روس کا یوکرین پر حملہ کرنا ہماری پرتشدد واقعات کی پالیسی مین شمار کیا جاتا ہے تاہم خلاف ورزی کرنے والے مواد ہٹایا جارہا ہے۔

یوٹیوب نے یہ بتانے سے انکار کر دیا کہ عالمی سطح پر کون سے اور کتنے چینلز کو بلاک کر دیا گیا ہے، یا وہ کبھی بحال ہو جائیں گے۔

مقبول ویب سائٹ کی پالیسی بیان کرتی ہے کہ چینلز کو بار بار کی خلاف ورزیوں، شدید بدسلوکی کا ایک کیس، یا جب وہ خلاف ورزی کرنے والے مواد کے لیے وقف ہوں تو مستقل طور پر بلاک کیے جا سکتے ہیں۔

واضح رہے کہ یوکرین میں حملے کے بعد یوٹیوب نے روس کے سرکاری میڈیا آؤٹ لیٹ سمیت تمام ٹی وی چینلز پر ویڈیوز کے ذریعے اشتہارات کی آمدنی کو بند کردیا تھا۔

Vladimir Putin

Ukaraine

Comments are closed on this story.