لاہور: علامہ اقبال ٹاؤن میں ڈور پھرنے سے موٹر سائیکل سوار نوجوان کے جاں بحق ہونے پر وزیر اعلیٰ پنجاب عثمان بزدار نے سخت نوٹس لے لیا۔

تفصیلات کے مطابق واقعے کے بعد وزیراعلیٰ پنجاب کے حکم پر ڈی ایس پی علامہ اقبال ٹاؤن اور ایس ایچ او تھانہ اقبال ٹاؤن کو معطل کردیا گیا اور دونوں کے خلاف محکمانہ کارروائی کا حکم بھی جاری کردیا ہے۔

وزیراعلیٰ پنجاب عثمان بزدار نے خبردار کرتے ہوئے کہا کہ آئندہ جس علاقے میں پتنگ بازی کا واقعہ پیش آیا تو متعلقہ پولیس افسر کے خلاف قانونی کارروائی کی جائے گی۔