پاکستان کی مسلح افواج کی جانب سے کامن ویلتھ گیمز میں میڈلز حاصل کرنے والے کھلاڑیوں کو مبارکباد پیش کی گئی ہے۔

سماجی رابطے کی ویب سائٹ ٹوئٹر پر ڈی جی آئی ایس پی آر میجر جنرل بابر افتخار کی جانب سے کامن ویلتھ گیمز میں نوح دستگیر بٹ کو گولڈ میڈل اور شاہ حسین شاہ کو کانسی کا تمغہ جیت کر پاکستان کا سر فخر سے بلند کرنے پر مبارکباد دی گئی ہے ۔

Congratulations from Pakistan Armed Forces to Nooh Dastagir Butt for winning Gold Medal & Shah Hussain Shah for winning Bronze Medal in Commonwealth Games making Pakistan proud.
Pakistan 🇵🇰 Zindabad pic.twitter.com/FQ6Ss0PxDE

— DG ISPR (@OfficialDGISPR) August 5, 2022

ڈی جی آئی ایس پی آر نے کہا کہ گولڈ میڈلسٹ نوح دستگیر بٹ اور برانز میڈلسٹ شاہ حسین شاہ نے کامن ویلتھ گیمز میں پاکستان کا جھنڈا بلند کیا۔ انہوں نے پاکستان زندہ باد کا نعرہ بھی لگایا۔

مزید پڑھیں: کامن ویلتھ گیمز میں پاکستان نے پہلا گولڈ میڈل جیت لیا

گزشتہ روز برمنگھم میں جاری کامن ویلتھ گیمز2022 میں پاکستان کے ویٹ لفٹر نوح دستگیر بٹ نے پہلا گولڈ میڈل جیت کر پاکستان کا سر فخر سے بلند کیا تھا۔

نوح دستگیربٹ 109پلس کیٹگری میں ان ایکشن ہوئے تھے، انہوں نے اسنیچ میں ریکارڈ173کلو وزن اٹھایا اورکلین اینڈ جرک میں 232کلوکے ساتھ میدان مارا جبکہ انہوں نے مجموعی طور پر 405کلو وزن گرام وزن اٹھایا تھا۔

جوڈو کے ایونٹ میں مائنس 90 کلو گرام کیٹگری کے میچ میں شاہ حسین شاہ نے جنوبی افریقا کے ایتھلیٹ کو شکست دے کر کانسی کا تمغہ جیتا۔