Aaj News

جمعہ, مئ 24, 2024  
15 Dhul-Qadah 1445  

اسلام آباد پولیس کا پنجاب سے مسلح افراد کو روکنے کا مطالبہ

فیض آباد سے مسلح افراد کی اسلام آباد میں داخلے کی اطلاعات ہیں، اسلام آباد پولیس
شائع 04 نومبر 2022 12:21am
اسلام آباد پولیس۔ فوٹو — فائل
اسلام آباد پولیس۔ فوٹو — فائل

اسلام آباد پولیس نے پنجاب سے دارالحکومت کی جانب بڑھتے مسلح افراد کو روکنے کا مطالبہ کردیا۔

ٹوئٹر پر جاری پیغام میں اسلام آباد پولیس نے کہا کہ مجمع خلاف قانون کو اسلام آباد میں داخلے کی اجازت ہرگز نہیں دی جائے گی۔

وفاقی پولیس نے مطالبہ کیا کہ روالپنڈی پولیس اور انتظامیہ سے گذارش ہے ایسے مظاہرین کی اسلام آباد کی طرف پیش قدمی کو روکے۔

اسلام آباد پولیس کا مزید کہنا ہے کہ فیض آباد سے مسلح افراد کی اسلام آباد میں داخلے کی اطلاعات ہیں، قیام امن عامہ اولین ترجیح ہے۔

دوسری جانب سوشل میڈیا پر ڈپٹی کمشنر اسلام آباد کے نام سے ایک نوٹیفکیشن گردش کر رہا ہے جس کے مطابق پنجاب سے اسلام آباد کی طرف آنے والی سڑکوں کو سیل کردیا گیا ہے تاہم اس نوٹیفکیشن کی تاحال تصدیق نہیں ہو سکی ہے۔

islamabad police

PTI long march 2022

Azadi March Nov3 2022