مردان میں سیاسی تکرار پر ایک شخص قتل جبکہ دوسرا زخمی ہوگیا۔

پشاورسے تیمرگرہ جاتے ہوئے کوسٹر میں سواریوں میں بحث ہوگئی، تو ملزمان نے بابوزئی انٹرچینج پر کوسٹر کو زبردستی روک کر فائرنگ کردی۔

ایف آئی آر کے متن کے مطابق بحث کے دوران ہاتھا پائی شروع ہوگئی، تو ملزم نے فون کرکے اپنے ساتھیوں کو بلا لیا۔

مسافر نے بابوزئی انٹرچینج کے قریب پانچ ساتھیوں کو بلا کر رحیم الدین پر لاتوں گھونسوں سے حملہ کردیا۔ حملہ آواروں میں موجود ایک شخص نے فائر کھول دیا۔

ایف آئی آر میں بتایا ہے کہ 5 ملزمان نے بابوزئی انٹر چینج پر کوسٹر کو زبردستی روک کر فائرنگ کردی۔

ملزمان کی فائرنگ اور تشدد سے سے رحیم الدین نامی شخص جاں بحق جبکہ اس کا بھائی وقاص الدین زخمی ہوگیا۔

زخمی وقاص الدین کی مدعیت میں تھانہ بابوزئی میں مقدمہ درج کرلیا گیا۔